QAYITMA

Şəbnəm Həsənəlizadə
İyul 8, 2008 17:33

Qız:
- Qayıdıb könlünə toxunsam yenə
Oğlan:
- Əbəsdir..
Mənim ki könlüm
axı səndədir
nəyə toxunacaqsan qayıdıb, gəlib,
könlüm ki könlünün zirzəmisində,
sınıq-sınıq olmuş,
toz içindədir?!

- Qayıdıb gözlərində dolansam yenə
- Müşkül məsələ
Əvvəlki tək baxmayacaq gözlərim sənə.
Yoxdur nəfisliyin,
gülüm,
solmusan..

Davamı...

Şərhlər(21)
150 oxunma
Şerlər
qayıtma qədd eşq zirzəmi

Ölümü çağırıram!!!

Şəbnəm Həsənəlizadə
İyun 25, 2008 22:56

Doğulandan bu bəxtim,
qara gətirib, bilirəm,
mən ki, nahaq demirəm.
Gərəksizdir sandılar,
dünyaya gəlişimlə,
məni bələk yerinə,
bir paketə bürüyüb,
məni beşik yerinə,
zibil qabına atdılar.
Gəlmədi mənə ölüm,
o gündən yaşayıram.
Döydülər, söydülər,
saçlarımı yoldular,
incitdilər, yıxdılar,
ürəyimdən vurdular,
sinəmi dağladılar..
Bədənim qamçı-qamçı,
qəlbim isə yaralı..
bu qamçılı bədəni
3 qəpiyə satdılar
bu çart olmuş ürəyə,
bir də qamçı vurdular,
vurdular, sındırdılar.
Sonra da damğalayıb,
adıma ləqəb taxdılar.
Şanlı oldum aləmdə
tüpürcəyə qərq oldu,
bədənim tək üzüm də..
Qamçılar bitdi getdi,
yerində daş izləri,
daş gülləri yetişdi
Mən küstüm bu həyatdan
bir tək ölümə sığındım
gözümdə yoxdu heçnə,
bircə ölüm, bircə xilas.
Beynim zillənib ipə
dedi ki, özünü as.
Asdım...
Üzümdə rahatca bir
təbəssüm də oyatdım.
İtələyib masanı
var gücümlə aşırdım
Ehh.. dar da məni sevmədi
almadı, götürmədi
Masa yerə aşan kimi,
ipim ipdən açıldı
son ümidim,
xilaskarım qırıldı
Məni də yerə atıb
qollarından ayırdı..
Ölüm də üzdü məni
almadı öz qoynuna
Qayıdıb o küsdüyüm
həyatımla barışdım
Barışdım da,
yana-yana alışdım.
Ölü olan ruhumla,
ölümün gəlişini
dəqiqə-dəqiqə,
anbaan
bədənimə çağırdım
İnsan kimi doğuldum,
heç yerinə qoydular,
yaşama nifrət etdirib,
ölümü arzulatdılar.
Içim ölü, çölüm diri,
Keçir günümün də biri
Hər gün vidalaşıram
ölümün gəlişini,
dəqiqə-dəqiqə,
anbaan
canıma çağırıram...

Şərhlər(11)
106 oxunma
Şerlər
ölüm damğa dəqiqə qamçı beşik

Bayatı

Şəbnəm Həsənəlizadə
İyun 24, 2008 23:09

Əzizinəm gül bitər,
gül bitər bülbül ötər.
Aşıq olan bəndənin,
ürəyi dil-dil ötər.

Əzizim yar olaydı,
yanımda yar olaydı.
Əllərimdə əlinin,
istisi var olaydı..

Şərhlər(11)
82 oxunma
Şerlər
bayatı ya bülbül olaydı

Dünya, sən dinlə!

Şəbnəm Həsənəlizadə
İyun 15, 2008 16:31

İnildədir buz kimi yara könlümdə,
sızıldadır duz kimi gülüşlərim də
Kim biləcək təbəssüm, oyna üzümdə?!
dünya, qəlbimi dinlə, dilimi duyma.

Uymuşam taleyimin yaman səsinə,
qara bəxtim oyaqdır, oyaqdır hələ
oxuyuram, bəlkə, o, yuxuya gedə
dünya, laylamı dinlə, amma ki, yatma.

Bir sənin qollarına dirəndim helə,
mən sənin qucağına söykəndim yenə
Öldüm, torpağına sərildim, dinlə,
dünya, ağımı dinlə, amma, ağlama.