Göz yaşı, eşit məni, ağlamayacağam!!!
Şəbnəm HəsənəlizadəMay 6, 2008 23:34
Rəsmin müəllifi Leyla Həsənəlizadə
Susub-susub, daş kimi dayanacağam.
Düyümlənib boğazımda məni boğsan da,
Göz yaşı, eşit məni, ağlamayacağam!
İblis tora salsa, fələk fırlansa,
Mən də, o çərx kimi dolanacağam.
Səbrim də yorulsa, qərarım daşsa,
Göz yaşı, eşit məni, ağlamayacağam!
Zülmün sevincində şad, şən, firavan,
Dondan-dona girib, oynayacağam.
Zülm özü mənimlə oynayan zaman,
Göz yaşı, eşit məni ağlamayacağam!
Qəhərim qopsa da, əzab çaxsa da,
Mən ki, elə buludam, qaralacağam.
Könlümün körpüsün yarıb, axsan da,
Göz yaşı, eşit məni ağlamayacağam!
Bəsdir şişirdiyin bu gözlərimi,
Qəlbim kimi, onları da dağlamayacağam.
Toplayıb könlümün qəlpələrini,
Göz yaşı, eşit məni ağlamayacağam!
Sən ki, tez-tez gəlirsən, axı yoruluram,
Səni geri-geri verib, boğulacağam.
Bəlkə yolunu kəsib, daralacağam,
Amma, bil ki, bir daha ağlamayacağam!
Sevincdən deyilsə növbəti gəlişin,
Heç gəlmə göz yaşı, qoymayacağam,
Sönməsin sənin də mən tək günəşin
Göz yaşı, eşit məni ağlamayacağam!
Şərhlər(21) 202 oxunma
Şerlər
göz-yaşı eşit zülm qəhər qəlpə
COX GOZEL BEYENDIM SOZUN DUZU VALLAH SIZE DEYIREM HALAL OLSUN SHERLERINIZ GOZEL 
..
Shebnem xanim bu qeder de gozel ser olarmi?!
May 6, 2008 23:45Inanin ki demeye soz yoxdur.Bu seri ayaq uste alqislamaq bele az olardi .
Men sozun gucunun qarshisinda aciz oldugumu anladim.
Sizin ne iti qeleminiz varmish.
Siz serlerinizi blogda yerlesdirin.Cunki sozun ahengi ile yasayan insanlar hele de vardir.
Tesekkurler.